عزيزتى المواطنه
عزيزى المواطن
سواء كنتى بيضه
سواء كنت داكن
سواء كنتى عايزه
حقوقك يا فايزه
سوائك مطنش
سوائك مهادن
حقوقك علينا
و خدها بإيدينا
وإلا هانردم
عليك المساكن
عزيزتى المواطنه
عزيزى المواطن
...................................
عزيزتى المواطنه
عزيزى المواطن
أوامرك فى عينّا
نوفر جراكن
تجيب فيها ميّه
شويه شويه
وتملى الطشاتى
ف كل الأماكن
حمومك علينا
وإلا بإيدينا
هانسلخ سعادّتك
فتصبح مواطن
عزيزتى المواطنه
عزيزى المواطن
...............................
ويا شعبنا المسلمين والنصارى
عايزكو تغنوا نشيد الحضاره
وحبّوا ف بعض
وبوسوا ف بعض
ولو حدّ وقّع بحيله وشطاره
تقوموا تغنّوا نشيد الحضاره
تحبّوا فبعض
تبوسوا فبعض
وتنسوا الرصاص
وتنسوا الحجاره
لأن المعارك
آخرها مهالك
وحقّك يفارقك
ودى مش شطاره
تخاصم جيرانك
ف نفس العماره
عزيزى الحمار
عزيزتى الحماره
