كوللوماشية

قالو الرجال كلمات قولت الكلام الوان
فية كلمة تبدأ حرب وكلمة شايلة هوان
وكلمة تولد راجل وكلمة سد خانات
وكلمة حكمة احفظها وقت إن أعوزها تبان

سيرك الحمام

ماتحطنيش بيضة ف سلة


ولاتكسريش على راسي أوللة


راسى وراسة وراس التين


تهدى عنيكى شمال ويمين


تاخد بايديك ف الميادين


يامى كفايانا مذللة






شكلك وشكلى بأة نيلة


أخواتنا عايشين ب التيلة


ب انفاق وتهريب و بحيلة


لجل إن يبللو الريق بلة






لجل إن يعيشو حياة وضيعة


وطفلة مابأتش رضيعة


بنتى وبنتك يا مطيعة


ونجدة المظلوم أولى






واجبك وصلك منى حصار


يا غزة اولع نارك نار


وآخر المتمة آدى جدار


يمنع مرور قعر الحلة






وادى مشاركة إيجابية


وان واى مفاوضات يهودية


أضرب بأيدى على جراحك


تنزف جراحك ف إدية










وسماح يا بيت كل حماسى


عمرى ماهانكر ولا ناسى


انك أويت أختى وبنتى


وانى هدمتك على راسى


يابيت رجولة ووطنية










وأخر الكلام للغالية الام


قلبى عليكى عصير الهم


لا تفوتى واجبك يا اصيلة


ولا تخيلشى عليكى حيلة


اصل الحمام الوان الوان


وكل لون لية أكيلة


يكسر جناح


ويفسخ ورك


طار الحمام من باب السيرك


وأية يعود بعد ما ولى






ماتحطنيش بيضة ف سلة


ولاتكسريش على قولى أوللة


انا ضد الكسر أة


وعايشعا بألف آة


ف شوارعك وف الميادين


لكن كفاياكى مذللة

كوللوماشية

يامصر جوفك ريحتة وحشة يتعصر ينزف بلاوى


عصير مآسى ومحشى طين و شويتين شوربة كيماوى


ومش عجيب منتى اللى شايلة م الهموم اشكال كتير


بس العجيب وسط البلاوى يتولد حلم وغناوى

كوللوماشية

اكتر حاجة تهز الواحد من جواة


لما يقوم م النوم الصبح يلاقى قفاة


احمر وازرق واخضر وجميع الالوان


يفضل يحسب جالة الضرب ازاى ياولداة

كوللوماشية

إستيجماتيزم يعنى وجع ف العنين
يعنى ماقدرش اشوف خطوتين
يعنى امسك إيد أخويا
ألاقى أخويا........ مالوش إيدين

أعوذ باللة

خضر ينابيع الهوى


وكأنما


تحت المياة جنان


فإذا نظرت جمالها


فاستعذ باللة


من سحرها الفتان


فلقد سمعت بمكرها احكية


قالو


يسكنهما شيطان


الشيطان يسكن عينى إمرأة


وما ادراك


علًها السجان

كوللوماشية

انا الفارس انا..انا القائد المنتظر


اقدر افوت واقود كل الوفود للقمر


وادى العلامة ف كتفى لا نبوة ولا كتاب


كتب العليم جواها انى احط البشر

كوللوماشية

قالك اية.. سينا ملاذى


قالك لااا. جدار فولاذى


وتعمل اية يا غزاوى وانت


جعان محاصر لكونك حماسي

كوللوماشية

.انا كوللوماشى............وكوللوماشى انا


اقدر اغوص ف البحر .....واقدر اطير ف السما


شفت اللى ماشى كلة كل اللى ماشى شوفت


بعد اما شفت دعيت ربى يصيبنى ب عمى

كوللوماشية

صبح صباح الصبح ياهنايا بصباحى


راحو العيال المدارس ونسيت انا جراحى


رجعو العيال م المدارس وانا همى ف جريدتى


شايل معاة العيش والفجل تفاحى

كوللوماشية

قالب صابون ...وليفة


نغسل حياتنا المخيفة


نكحت جلخ العقول


ترجع بلدنا.....نضيفة

كوللوماشيه

يا ناس يا حلوه فين حلاوه زمان


الندل قاعد و الجدع ما بان


سر الحكايه في الظروف ولا


احنا الظروف و الظروف انسان

كوللوماشية

البس جاكتين ف الصيف

او اكل جيلي ف رغيف

انا حر و نفسي اعبر

ولكل واحد تصريف

كوللوماشية

الناس حرانة بتقول


الناس بردانة بتقول


ماتسيب الناس تتكلم


منتاش لية قد القول

كوللوماشية

نايم عريان ف سرير


والناس حوالية كتير


وعنيهم تاكل فيا


و ادى ضريبة التغير

كوللوماشية

يا نخل البلح علي طول الطريق صفين


ماشي و طايح معرفش رايح فين


قلبي دليلي ولا الدليل خاين


تفرف معايا لو عرفت البدايه منين

كوللوماشية

بلدي يا بلدي...... يا ام لولدى 

تاريخك عزى وشرفى ومجدى


اشرق اغرب ابعد اقرب


ما انسى تراب وشواطئ بلدى

كوللوماشية

هو قدرنا نشيل فى جراير 

حرب فحرب واخرها جزاير


طول العمر نمد ف ايدنا


والمطاطية اخرها شراير

من غزوات العشق

ثقل الجبال
التلال
احبك
يا اية الجمال
يا قبل الحياة
وبعدها
يا حلمى
يا صحوة الامال
يا من ضياء عيونها يمرح
يا من بها براءة الاطفال
يا صاحبة الروح البهيجة
اناديكى
مزقى الحبال
وحطمى اسوار قلبى التى
عاشت حلم
بعيد المنال
ودكى هحصون عقلى
بجسارة
هى من شيم الرجال
محتلة قلعتى
وترددى
ايات النصر والاجلال
وزغردى
وهللى
فقد غزوت قلب
من الابطال
واجمعى غنيمة الحب التى
لا يضاهيها
ذهب ولا مال
واكنزى عشقى الذى
هو اكبر
من اثقل الاحمال
وادخلى لثنايا صدرى
وابحثى
تجدين عشقا
اقرب للكمال
تجدين رايات النصر
ارفعها
انتظرك
كسرى الاغلال
وعودى للمهد
بقلب الحبيب
وحب
اكثر
وانعم
من الرمال
وعجبي
انها حرب
ما بها مهزوم
وما بعدها
غيرصفو بال

قلة أدب

قلة ادب

زى الطوفان داخلين علينا.

ولا حد حاش ولا حد وقف

هدموا بيوتنا ومبانينا وشيدوا قصور.

ولا حد حاش ولا حد وقف

مسحوا بأيديهم اسامينا و حركوا الخوف فينا .

ولا حد حاش ولا حد وقف

والحكاية ادام عنينا وبأدينا بنغمى عنينا عن حقيقة من سلف السلف

هو الدهب

جايين هنا ياخدوا الدهب

من ارضنا من وسطنا

لأ دى قلة أدب

بكرة يا حكام العرب ياخدوا من ايديكو الدهب

وانتو لسة بتدوروا عالسبب

وتقعدوا وتزودوا همنا بالهم

والفرح شح بقى تحت الطلب

بالذمة دى مش قلة أدب

.بالذمة مين فيكو السبب

……………………………..

قوى….

قوى وبالقوة متفرعن على عباد اللة

والحق لينا فأرضنا وما عندنا غير أة

أاااااااااااااااااااااااااة بالوجع

وأة بالموافقة على طلب

من مجلس الامريكان العرب

بضم القدس والعراق ومين بعدهم

على مين الطلب

ماتفكروا يا عرب

هوا انتو لسة بتدوروا عالسبب

…………………………………………………….

اقولوكو عالسبب…..

هاتو واحد مللى راحوا فى الحروب قبلنا

اسالوة

اسالوة كان عندة اية مش عندنا

ضحى بأية من اجلنا

دمة

هو دة اللى عندة ومش عندنا

الخوف اصلة مش مننا

اتزرع فينا وبأدينا وأية يقلعة

بقى ماشى فى دمنا

او ماشى مكان دمنا واية يمنعة

دة الدم رااااااااااااااااح

الدم راح والارض راحة

والحكاية بالصراحة

موت ولادنا لحكامنا راحة

بالذمة دى مش قلة ادب

ورق

يا شعب بلدى
ياناس ياهو
اصحوا بقى كفياكو كسل
عدوا اللى قعدو ينهبوة
حاولو بأديكو ترجعوة
ولو عرفتو تمسكوة
امسكوة
الحرامى اللى سرق
حاولو بأديكو تمسكوة
وتقطعوة
ولو قدرتو
اسحلوة
الامر سهل
صدقونى واعقلوة
دة الحرامى بيتة
من ورق
دة الحرامى قلبة
من ورق
……………………..
………..
خايف
وف ايدة عصاية
خاين
قدرتة معاية
مسك العصايا
قفش العصايا
اعترض
الاقية ورايا
اسكت
ابطل اعتراض
برضة
الاقية ورايا
ف الشارع ورايا
ف المكتب ورايا
حتى ف بيتى على شاشاتة ورايا
ياخوانة اية الحكاية
الحرامى
هو اللى بيجرى ورايا
……………………..…………..
خايف
خايف لانة سرق
ولان بيتة من ورق
يمسك عصايا
ويجرى ورايا
مش احسن ماجرى وراة
واصرخ
واصرخ ف وشة بألف أة
تحرق عيون اللى سرق
حتى عيونة من ورق
والمهانة
ياشعب يانا
ماعدنا نقدر عالورق
……………………..
……………….
وعندى امل
يظهر ف بلدى
البطل
بطل حقيقى
يرسم طريقى
ع الارض مرة
مش ع الورق
كفايانا احلام تتسرق
كفايانا احلام ع الورق

يا معين

يا معين يا معين
ويش راح يرجع فلسطين
يا معين يا معين
دى الأرض ضايعة تراث وطين
والهمة خرت من سنين
والزرعة دبلت من سنين
وادينا شلت
وعقولنا ولت
وقلوبنا شبعت م الانين
يامعين
يا معين
……………………..

…………………..
راح المناضل
راح المفكر و الامين
راح كل راجل
عندة دم وعندة دين
ودة اية يجيبة
لو دعينا بالسنين
دعوة جهالة
لامؤمنين
ولامخلصين
يمكن نكون اه مسلمين
وموحدين
بس الامانة
لامؤمنين
ولامخلصين
واشهد ياربى عالكلام
ليغيروة
ويفبركوة
واصبح ف طين
سرالحياة هوالعلام
وانت العليم وانت المعين